Египет: Во акции и оружени напади на Синајскиот Полуостров загинаа 15 лица

КАИРО (АА) - Во акции на египетската војска против оружени групи на Синајскиот Полуостров и во напади од страна на непознати сторители загинаа 15 лица, од кои еден војник, а девет војници се повредени, јавува Anadolu Agency (AA).

Портпаролот на египетските вооружени сили, генерал мајор Мухамед Семир преку социјалните мрежи соопшти дека во акцијата што беше поддржана и од страна на полициските единици во Северен Синај е уништено засолниште на текфирски групи и дека во судирите убиени се 14 лица.

Акцијата е организирана во рамките на упадот во засолништата терористите кои се наоѓаат во селата на подрачјето на Рaфа и Ес-Шеик Зувејда.

Во бомбашки напад на оклопно возило и врз возило што вршело проверка на воениот контролен пункт во Шеик Зувејд загина еден војник, а девет се повредени.

Никој не ја презеде одговорноста за нападите.