Епидемија на колера во Кенија одзеде 13 животи

АБУЏА

Во источноафриканската држава Кенија епидемијата на колера е причина за смртта на 13 лица, јавува Агенција Анадолија (АА).

Министерот за здравство на Кенија, Мутахи Кагве, за медиумите изјави дека 550 лица се лекуваат од колера.

Информирајќи дека во регионите Марсабит и Туркана 13 лица починале од колера, министерот Кагве истакна: „Мораме да прифатиме дека сме изложени на епидемија поради постојаните дождови и поплави во нашите региони.“

Кагве изјави дека итно се испратени лекови и медицински материјали во подрачјата во кои е забележана болеста.

Поројните дождови кои предизвикаа поплави и свлечишта во Кенија, се причина за смртта на околу 220 лица.