Enes Kaplan
18 Февруари 2021•Ажурирај: 19 Февруари 2021
АНКАРА
Претседателот на Турција, Реџеп Таип Ердоган оствари телефонски разговор со рускиот претседател Владимир Путин, пренесува Агенција Анадолија (АА).
Според соопштението на Одделот за комуникации при турското Претседателство, Ердоган и Путин разговарале за чекорите кој ќе ги развијат односите меѓу Турција и Русија и за регионалните прашања.
За време на состанокот, претседателот Ердоган истакна дека турските и руските експерти можат да се состанат со нивните азербејџански колеги со цел поефикасна изградба на патиштата и железничките транспортни линии во Нагорна Карабах, по Договорот од 11 јануари.
Наведувајќи дека Заедничкиот центар во Агдам успешно ја извршува задачата за следење и контрола на примирјето, претседателот Ердоган рече дека треба да се вложат заеднички напори за сите прашања во однос на заштита на примирјето.
Претседателот Ердоган, истакнувајќи дека е заеднички интерес што побрзо да се реши сириското прашање, додаде дека не треба да се изгуби можноста која е создадена за мир и стабилност во Либија.
