Запленета пратка адресирана до Трамп која содржела отров

ВАШИНГТОН (АА) - Службите за спроведување на законот заплениле пакет што содржел отров рицин, адресиран до американскиот претседател Доналд Трамп на почетокот на неделава, пренесува Агенција Анадолија (АА).

Повикувајќи се на две официјални лица запознаени со тоа, „Си-ен-ен“ (CNN) објави дека биле спроведени два теста за да се потврди смртоносниот отров.

„Сета пошта што стигнува во Белата куќа се сортира и поминува низ скрининг пред да стигне до Белата куќа“, објавија.

Тајната служба и ФБИ ја истражуваат ситуацијата.

Смртоносниот отров рицин е високотоксично соединение добиено од рицинусовото зрно, што се користело во терористички заговори.