Земјотрес со јачина од 5,3 степени го погоди Тајван

АНКАРА

Земјотрес со јачина од 5,3 степени се случи во Тајван, пренесува Агенција Анадолија (АА).

Според веста на новинската агенција „Синхуа“, Центарот за мрежа на земјотреси на Кина (CENC) соопшти дека епицентарот на земјотресот бил во градот Хуалиен кој се наоѓа во источниот дел на Тајван.

Се истакнува дека земјотресот со јачина од 5,3 степени се случил на длабочина од 10 километри.

Според првичните сознанија, нема жртви или повредени во овој земјотрес.