Израелскиот суд го осуди адвокатот на палестинските затвореници на 13,5 години затвор

РАМАЛА

Израелскиот суд го осуди Тарик Бергуси на затворска казна од 13,5 години, а станува збор за адвокат на Комитетот за прашања на палестинските затвореници, јавува Anadolu Agency (AA).

Во соопштението од Комитетот е наведено дека Бергуси е осуден на 13 години и шест месеци затвор пред Воениот суд на западниот дел на Рамала. Сè уште не е познато за кое кривично дело Бергуси е прогласен за виновен.

Израелските сили го уапсија Бергуси на 27 февруари оваа година, при претрес во Рамала.

Тарик Бергуси е еден од водечките адвокати, кој ги застапува палестинските затвореници во затворот „Нефха“ во Израел.