Израелските сили извршија ракетен напад врз јужна Сиријa

АНКАРА (АА) – Израелските сили извршија ракетен напад врз јужната сириска провинција Кунејтра, објавија денеска медиумите на сирискиот режим, пренесува Агенција Анадолија (АА).

„Израелските сили го гаѓаа селото Хaдер со ракети, според официјалната новинска агенција САНА. Нападот предизвика само материјална штета“, се додава.

Добро е познато дека воените бази кои припаѓаат на странските терористички групи поддржани од Иран, како и на режимските сили, се лоцирани во Кунејтра, главниот град Дамаск и неговите околни области.

Израелските власти генерално избегнуваат да даваат изјави за нападите на сириските територии.

Претходно режимот на Асад тврдеше дека израелските сили ја нападнале околината на Дамаск на 15 и 27 април, централната провинција Хама на 9 април, Кунејтра на 23 февруари и Дамаск на 17 февруари.

Од 2011 година, кога започна сириската граѓанска војна, Израел изведува спорадични напади врз милициите поддржани од Иран и воените бази на режимот на Асад во Сирија.

Ова е десетти пријавен напад на Израел врз Сирија од почетокот на годината.