Иран: САД купуваат иранска тешка вода преку трети страни

АНКАРА (АА) - Иранскиот министер за надворешни работи Хусеин Амир-Абдолахиан изјави дека Соединетите Американски Држави (САД), и покрај санкциите што ги воведоа кон Иран, преку трети страни купуваат иранска тешка вода, која се користи во нуклеарните реактори, пренесува Анадолу.

Говорејќи во главниот град Техеран, Абдолахиан рече дека и покрај американските санкции, најразвиените подрачја во земјата се секторите за ракетна и нуклеарна енергија, објави полудржавната новинска агенција Тесним.

„САД купуваат иранска тешка вода преку посредници. Еден западен функционер ми рече дека најквалитетната тешка вода произведена во целиот свет доаѓа од Иран“, рече Абдолахиан.

Абдолахиан, исто така, наведе дека не е постигнат никаков напредок во заживувањето на нуклеарниот договор, кој практично исчезна по едностраното повлекување на САД во 2018 година.

„Од почетокот кажавме дека нема да ги преминеме црвените линии. Го имаме документот пред нас и не се вративме на договорот за да другата страна ги има земено предвид нашите црвени линии. Нуклеарниот договор ги губи своите предности како што напредуваме. Нема да се притиснеме во тесниот тунел на нуклеарниот договор“, рече Абдолахиан.