Ирански товарен брод потона во територијалните води на Кувајт

ТЕХЕРАН (АА) - Ирански товарен брод потона во територијалните води на Кувајт. Спасувачките екипи ги пронашле телата на тројца од шесте членови на екипажот на бродот, пренесува Анадолу.

Според иранската полуофицијална новинска агенција Мехр, Насер Песенде, генералниот директор на поморската организација за поморска безбедност и заштита на пристаништата, објави дека иранскиот товарен брод „Ара Бахтер Ек“ потонал во територијалните води на Кувајт.

Наведувајќи дека инцидентот се случил на 1 септември, Песенде соопштил дека го контактирале кувајтскиот поморски оперативен центар за пребарување и спасување и операцијата за спасување започнала веднаш штом ја примиле веста.

Песенде информираше дека се пронајдени телата на три од шест членови на екипажот од иранска и индиска националност, а во тек се активности за пронаоѓање и спасување за другите 3 лица.