Кинескиот претседател Си: „Се создава стратешка доверба меѓу Кина и Саудиска Арабија“

РИЈАД (АА) - Претседателот на Кина, Си Ѓинпинг, истакна дека се создава стратешка доверба меѓу Кина и Саудиска Арабија, пренесува Агенција Анадолија (АА).

• Саудиска Арабија и Кина потпишаа 34 договори за инвестиции

Според веста на саудиската новинска агенција СПА, Си даде изјава за новинарите на Аеродромот „Крал Халид“ во саудискиот главен град Ријад каде што дојде по покана на саудискиот крал Салман бин Абдулазиз со цел да учествува на Самитот на кинеско-арапските земји.

Си нагласи дека дипломатските односи меѓу двете земји веќе 32 години продолжуваат во рамки на заемно разбирање и поддршка.

Според него, неговата земја и Саудиска Арабија се поврзани со доверливи, пријателски и стратешки односи.

„Се создава стратешка доверба меѓу Кина и Саудиска Арабија. Двете земји добија плодни резултати во сите сфери. Исто така, спроведоа силна координација во меѓународни и регионални прашања. Особено сакам да истакнам дека по стратешкото партнерство постигнато во 2016 година меѓу двете земји, јас и кралот Салман, овие односи кои постигнаа голем развој, ги водиме во корист на двата народа. Силно давам придонес во зајакнување на благосостојбата, стабилноста, мирот и развојот во регионот“, рече Си.

Кинескиот претседател истакна дека Кина и арапските земји за првпат се наоѓаат во Ријад за да одржат самит, и дека односите на Кина со арапските земји и со земјите од Заливот сака да ги доведе на ново ниво.