Islam Uddin
23 Септември 2020•Ажурирај: 24 Септември 2020
АНКАРА (АА) - Малезискиот клучен опозициски лидер Анвар Ибрахим денеска изјави дека добил мнозинска поддршка од членовите на Парламентот за формирање влада, пренесува Агенција Анадолија (АА).
„Имам силно и убедливо мнозинство. Тоа не е мало“, објави локалниот весник „Стар“ (The Star), кој го цитираше Ибрахим за време на прес-конференцијата.
„Потребна ни е силна, стабилна влада за да ја водиме земјата. Вклучува пратеници од Баризан. Дискрецијата за распуштање на Парламентот е единствена привилегија на [кралот] Агонг. Зборував со него во понеделникот вечерта“, додаде тој.
Тој исто така нагласи: „Ова не е тајна влада, ова е влада која има мандат и поддршка. Секако дека е влада со малезиско мнозинство, но ќе биде инклузивна за да биде застапена секоја заедница.“
