Мексико: Над 20 безживотни тела пронајдени во 18 јами

БОГОТА (АА) - Над 20 безживотни тела се извлечени во ископувања извршени во 18 јами во мексиканската сојузна држава Веракрус, пренесува Анадолу.

Според вестите на мексиканските медиуми, тимовите во придружба на обучени кучиња долго време вршеле ископувања во градот Кордоба, при што пронашле голем број безживотни тела.

Се истакнува дека над 20 безживотни тела се пронајдени во ископувањата во 18 јами, а продолжуваат истражувањата и во 22 други јами.

Во соопштението на Главното обвинителство се наведува дека пронајдените безживотни тела се пренесени во објектите на Управата на судска медицина.

Според соопштеното, ископувањата ќе продолжат во овие подрачја.