Најмалку 25 загинати и 1.139 повредени од експлозијата во пристаништето во јужен Иран

АНКАРА (АА) - Бројот на загинати од разорната експлозија што се случи во пристаниште Шахид Раџаи во јужен Иран во саботата се зголеми на 25, објавија денес локални ирански медиуми, известува Анадолу.

Иранската државна телевизија информираше дека најмалку 1.139 други се повредени во експлозијата.

Пожарот избувнал околу 12 часот по локално време во саботата во пристаништето Шахид Раџаи, поточно во областа на пристаништето за контејнери, објавија локалните медиуми.

Првичните извештаи укажуваат на присуство на запаливи материјали во близина на местото на експлозијата.

Во вестите засновани врз изјави на очевидци се наведува дека малиот пожар брзо се проширил и ја предизвикал експлозијата поради топлината од 40 степени Целзиусови и постоење на запаливи супстанции.

Стратешки важното пристаниште, кое се наоѓа во јужната покраина Хормузган, се наоѓа околу 15 километри југозападно од пристаништето Бандар Абас на северниот брег на Ормутскиот теснец.