Ömer Faruk Yıldız
09 Септември 2022•Ажурирај: 13 Септември 2022
ЖЕНЕВА (АА) - Обединетите нации (ОН) соопштија дека продолжува малтретирањето на цивилите од страна на Руската армија на Крим, кој беше анектиран од Русија во 2014 година, пренесува Агенција Анадолија (АА).
Matilda Bogner Матилда Богнер, шефицата на набљудувачката мисија на ОН за човекови права во Украина, на неделната прес-конференција на Канцеларијата на ОН во Женева ја оцени хуманитарната ситуација на Крим.
Таа нагласи дека ситуацијата со човековите права на Крим е влошена во последните месеци со почетокот на војната Украина-Русија, и рече: „Руската Федерација на Крим продолжува да врши притисок врз слободата на изразување преку лоши и нејасно дефинирани закони. Ги казнуваат оние што ја критикуваат Русија и нејзината војска.“
Споделувајќи ја информацијата дека од март на Крим се гонат 89 лица за „таргетирање на угледот на Армијата на Руската Федерација“, Богнер рече: „Наставниците кои одбиваат да ја поддржат таканаречената „специјална воена операција“ на Крим се предмет на санкции и се заплашуваат.“
Наведувајќи дека продолжуваат заканите и нападите врз кримските Татари, Богнер истакна дека добиле извештаи за практики како што се полициски рации во куќи, произволни претреси и гонење за злосторства поврзани со тероризам.
Меѓу другото, Богнер, истакнувајќи дека затворените кримски Татари се депортирани во напуштени места во Русија, додаде дека овие практики не се во согласност со стандардите за човекови права.
