Emre Gürkan Abay
14 Ноември 2022•Ажурирај: 16 Ноември 2022
МОСКВА (АА) - Рускиот претседател Владимир Путин испрати телеграма со сочувство до турскиот претседател Реџеп Таип Ердоган поради смртоносната експлозија што се случи во неделата на улицата Истиклал во Истанбул, јавува Агенција Анадолија (АА).
Тој рече дека е подготвен да соработува со Туркије во борбата против тероризмот.
Како што информираат од Кремљ, Путин изразил сочувство за трагичниот терористички напад што се случи во Истанбул.
Тој испрати порака со поддршка до семејствата на жртвите.
„Им посакуваме брзо закрепнување на повредените. Ја потврдуваме нашата подготвеност да соработуваме што е можно поблиску со нашите турски партнери во борбата против сите форми на тероризам“, рече Путин.
Улицата Истиклал во Истанбул утрово е повторно отворена за пешаци по смртоносната експлозија што се случи вчера.
