Русија го повика Хамас „итно и веднаш да ги ослободи“ сите заложници

ИСТАНБУЛ (АА) - Русија ја повика палестинската група Хамас „итно и веднаш“ да ги ослободи сите свои заложници, пренесува Анадолу.

„Сите заложници мора итно да бидат ослободени, ова е нашиот цврст став. Ние, се разбира, го повикуваме Хамас да обезбеди сите заложници да бидат ослободени“, изјави портпаролот на Кремљ, Дмитриј Песков, на брифинг за медиумите во Москва.

Песков рече дека Русија е во контакт со „сите страни поврзани со конфликтот“ во врска со ослободувањето на руските граѓани.

„Навистина, сѐ уште не успеавме, но ќе продолжиме со овие напори“, нагласи Песков, додавајќи дека сѐ уште немаат точни информации за тоа како и кога може да бидат ослободени руските граѓани.