САД: Украина доби воени авиони, делови за проширување на флотата

ВАШИНГТОН (АА) - Украина доби уште воени авиони и делови од други земји за да ја прошири својата флота наспроти руската војна, соопшти Пентагон, јавува Агенција Анадолија (АА).

„Без да навлегувам во она што другите земји го обезбедуваат, јас само би рекол дека [Украина] доби дополнителни платформи и делови за да може да ја зголеми нејзината флота“, рече портпаролот Џон Кирби на прес-конференција.

„Таа доби дополнителни авиони и авионски делови за да ѝ се помогне да оспособи повеќе авиони во воздух“, додаде тој.

Покрај тоа, тој рече дека Украинците, исто така, добиле поддршка за „повторно да станат функционални некои од нивните авиони со фиксни крила“.

Минатата недела претседателот Џо Бајден најави дополнителна безбедносна помош од 800 милиони долари за Украина, откако Русија тргна кон источниот дел на земјата.

Најмалку 2.104 цивили загинаа, а 2.862 се повредени во Украина досега во војната што започна на 24 февруари, според проценките на ОН, а се верува дека вистинската бројка е многу поголема.

„Повеќе од 4,9 милиони Украинци побегнаа во други земји, а над 7 милиони се внатрешно раселени“, соопшти Агенцијата за бегалци на ОН.