Mehmet Alaca
23 Септември 2022•Ажурирај: 03 Октомври 2022
САН САЛВАДОР (АА) ‒ Најмалку 7 лица ги загубија животите во свлечишта што следуваа по дождовите кои веќе четири дена ја зафатија централноамериканската држава Ел Салвадор, известува Агенција Анадолија (АА).
Во изјавата што ја дадоа претставници на Цивилната одбрана се вели дека 2 лица загинале во местото Панчималко, кое се наоѓа на околу 18 километри јужно од главниот град Сан Салвадор.
Во свлечиште животот го загубило и цело петчлено семејство, од кое 3 деца, во регионот Хуизучар, јужно од главниот град.
Властите ги повикаа 29-те крајбрежни општини и сите општини од источниот регион Сан Мигел да бидат во состојба на готовност поради обилните дождови.
