Силите на либиската Влада на национално единство срушија беспилотно летало на Хафтар

ТРИПОЛИ (АА) - Силите на Владата на национално единство (УМХ), која е легитимен претставник на Либија во рамките на Обединетите нации (ОН), во Мисрата срушија вооружено беспилотно летало на милицијата на Калифа Хафтар, водачот на нелегитимните вооружени сили во источниот дел на земјата, пренесува Агенција Анадолија (АА).

Силите на Владата на национално единство соопштија дека изутрина е срушено вооружено беспилотно летало од типот „Винг Лоонг II“ од кинеско производство, во источниот дел на Мисрата, која се наоѓа на околу 200 километри источно од Триполи.

Вооруженото беспилотно летало од типот „Винг Лоонг II“, освен во Кина како земја произведувач, се наоѓа само во инвентарот на Казахстан и Обединетите Арапски Емирати (ОАЕ).

ОАЕ, кои се меѓу најголемите поддржувачи на Хафтар, се сметаат за одговорни за крвавите напади со вооружени беспилотни летала извршени од страна на силите на Хафтар.