Сообраќајка меѓу автобус и минибус на Хаити: 21 загинат, 30 повредени

ПОРТ О ПРЕНС

Во сообраќајката што на Хаити се случи меѓу автобус и минибус кој се движел од спротивниот правец, животот го загубија 21 лице, а повеќе од 30 лица се повредени, известува Агенција Анадолија (АА).

Сообраќајката се случила во крајбрежниот град Аркае, северозападно од главниот град Порт О Пренс.

Претставниците на власта, врз основа на изјавите на очевидците соопштија дека минибусот кој од Порт О Пренс се движел во правец на Сент-Марк, во обид да го претекне возилото пред себе, се судрил со автобусот кој доаѓал од спротивниот правец.

Во сообраќајката животот го загубија 21 лице, а повеќе од 30 се повредени.