Студено време и снежни бури во САД: Во Чикаго откажани 1.400 летови

ЧИКАГО (АА) - Поради студеното време и снежните бури, кои зафатија одредени држави во САД, во Чикаго беа откажани 1.400 летови, јавува Anadolu Agency (AA).

Студеното време од саботата е забележано во сојузните држави Илиноис, Ајова, Мичиген, Минесота, Јужна Дакота и во Висконсин. Неповолните временски услови беа почувствувани во многу метрополи, меѓу кои и во Чикаго, каде што висината на снежната покривка достигна 30 сантиметри, соопшти американското Национално биро за метеорологија.

Бирото ги предупреди граѓаните за студеното време, со температури неколку степени под нулата, и ги повика да ги преземат сите неопходни мерки. Се очекува поради временските услови сообраќајот да се одвива отежнато.