Трамп изјави дека верува дека Путин сака мир

ВАШИНГТОН (АА) - Американскиот претседател Доналд Трамп денес изјави дека верува оти неговиот руски колега Владимир Путин сака мир во војната во Украина, јавува Анадолу.

„Верувам дека тој сака мир. Верувам дека претседателот Путин, кога разговарав со него вчера, го познавам многу добро. Да, мислам дека сака мир. Мислам дека ќе ми кажеше ако не го сакаше тоа“, им рече Трамп на новинарите во Овалната соба.

Неговите изјави дојдоа по еден ден откако тој оствари посебни телефонски разговори со Путин и украинскиот претседател Владимир Зеленски, за ставање крај на руско-украинската војна.

Прашан дали му верува на Путин, Трамп одговори: „Верувам дека би сакал да види да се случи нешто. Му верувам за ова. Мислам дека би сакал да види нешто да се случи“.