Украина: Во Одеса отворен прифатен центар за бегалци

ОДЕСА (АА) - Волонтери отворија прифатен центар за бегалци во украинскиот југозападен пристаништен град Одеса за да ги задоволат потребите на цивилите, јавува Агенција Анадолија (АА).

Центарот ќе обезбедува храна и медицинска помош за бегалците.

Руската војна против Украина, што започна на 24 февруари, наиде на голема меѓународна осуда, а ЕУ, САД и Велика Британија, меѓу останатите, воведоа строги финансиски санкции кон Москва.

Најмалку 1.276 цивили се убиени во Украина, а 1.981 се повредени, според проценките на ОН, кои стравуваат дека вистинската бројка е многу поголема.

​​​​​​​Според Агенцијата за бегалци на ОН, над 4 милиони Украинци побегнале во други држави, а милиони се внатрешно раселени.