Украина: Руските сили изведоа напад на Харков

ХАРКОВ (АА) - Во нападите на руските сили со повеќецевни ракетни системи во кои синоќа беше гранатиран украинскиот град Харков, животот го загуби едно лице, а две се ранети, известува Агенција Анадолија (АА).

Во центарот на Харков во вечерните часови одекнаа 5 експлозии. Ракетите што руските сили ги лансираа кон градот, погодија 5 куќи.

Во две од куќите избувна пожар, а во три е причинета материјална штета. Пожарите се проширија и на околните подрачја, а на терен биле упатени бројни екипи на итната помош, пожарникари и полиција.

Пожарникарите успеале да го изгаснат пожарот, а вечерта во Харков можеле да се чујат сирени за тревога.

Ихор Терекхов, градоначалникот на Харков, информираше дека во нападите животот го загубило едно лице, а ранети се две.

Харков од руската граница е оддалечен околу 45 километри и е еден од најголемите градови во Украина.

Се верува дека поради честите напади на руските сили, се иселиле половината од жителите на градот.