Филипини ги потресе земјотрес со интензитет од 6,6 степени

КУАЛА ЛУМПУР

ужниот дел на Филипини го потресе земјотрес со интензитет од 6,6 степени, јавува Anadolu Agency (AA).

Научниот институт за вулкани и земјотреси на Филипини објави дека денеска, во јужниот дел на земјата, на подрачјето на градот Давао на островот Минданао се случил земјотрес со интензитет од 6,6 степени.

По земјотресот, населението кое живее во зградите, од безбедносни причини истрчало на улиците.

Епицентарот на земјотресот се случил во подрачјето Кисанте, 100 километри јужно од градот Давао, на длабочина од 50 километри.

Во земјотресот нема жртви, а не е дадено ниту предупредување за можно цунами.

На подрачјето на градот Давао земјотресите се честа појава. Пред две недели Давао го потресе земјотрес со интензитет од 6,4 степени.