Хамас тврди дека уништил уште 6 израелски тенка во Газа

АНКАРА (АА) - Палестинската група Хамас денес соопшти дека уништила уште шест израелски тенкови и две воени возила во Појасот Газа, пренесува Анадолу.

Во соопштението, вооруженото крило на групата, Бригадите Касам, истакнуваат дека три тенка и две возила биле погодени од противоклопни гранати северно од градот Газа.

„Уште два тенка се уништени југозападно од градот Газа и уште еден северозападно од градот Беит Лахија во северниот дел на Појасот Газа“, се додава.

Израелската војска сè уште се нема огласено за тврдењата на Хамас.

Израел започна немилосрдни воздушни и копнени напади врз Појасот Газа по прекуграничниот напад на Хамас на 7 октомври.

Оттогаш загинаа најмалку 10.328 Палестинци, од кои 4.237 деца и 2.719 жени. Бројот на загинати во Израел, според официјалните податоци, изнесува речиси 1.600.

Покрај големиот број жртви и масовните раселувања, основните резерви се при крај за 2,3 милиони жители на Газа поради израелската опсада.