Велика Британија: Поради високите температури на фудбалските натпревари паузи за вода

ЛОНДОН (АА) - Поради високите температури во Велика Британија викендов на натпреварите од Премиер лигата и од пониските лиги ќе биде воведена пауза за освежување со вода, пренесува Агенција Анадолија (АА).

„На натпреварите ќе се даваат паузи за вода доколку температурата на стадионите биде 30 или повеќе степени Целзиусови“, пишуваат британските медиуми.

Се очекува температурите, кои оваа недела во делови на Велика Британија пораснаа над 30 степени, до викендот да се искачат до 37-от степен.