Колумбискиот фудбалски ас Фалкао на чекор до премин во Галатасарај

ИСТАНБУЛ (АА) - Колумбискиот фудбалски ас Радамел Фалкао е на чекор до трансфер во истанбулскиот фудбалски тим Галатасарај, јавува Anadolu Agency (AA).

Раководството на актуелниот првак на Турција, Галатасарај, соопшти дека официјалните преговори се во завршна фаза и дека наскоро се очекува и потпишување на договорот.

Капитенот на Колумбија и досегашен фудбалер на Монако, Фалкао, веќе денес во попладневните часови ќе пристигне во Истанбул на средба со челниците на „Галата“.

Искусниот 33-годишен играч во својата кариера има играно за повеќе големи клубови како Ривер Плато, Порто, Атлетико Мадрид, Манчестер Јунајтед и Челси.