НБА: Продолжи победничката серија на Вориорс

ИСТАНБУЛ

Синоќа тимот на Голден Стејт Вориорс, последниот шампион на американската Национална кошаркарска лига НБА, на домашен терен го совлада Кливленд Кавалирс со резултат 120:114, јавува Anadolu Agency (AA).

Во рамките на редовниот тек на НБА, синоќа се одиграа 13 натпревари. Голден Стејт Вориорс на домашен терен го совлада Кливленд Кавалирс за кој игра охриѓанецот Џеди Осман со резултат 120:114, извојувајќи ја четвртата победа едноподруго.

Најдобра игра во Вориорс прикажаа Стефен Кари со 40 поени, 7 асистенции, 6 скока, Дрејмонд Грин со 20 поени, 8 скока, 5 асистенции, и Кевин Дурант со 15 поени, 8 асистенции и 5 скока.

Џеди Осман постигна 15 поени, 6 скока, 2 асистенции, а најпрецизни кај госите беа Колин Секстон со 27 поени, 4 асистенции, 1 скок и Лери Ненси со дабл-дабл од 13 поени, 14 скока и 2 асистенции.

- Харден повторно им донесе победа на Рокетси

Џејмс Харден даде голем придонес во победата на Хјустон Рокетс над Њујорк Никс од 120:96, носејќи му ја на својот клуб 52. победа сезонава.

Харден имаше скор од 26 поени, 8 скока, 8 асистенции, а дабл-дабл учинок кај домаќините постигнаа Клинд Капела со 12 поени, 15 скока и Крис Пол со 11 поени и 10 асистенции.

Во редовите на Никси, Хрватот Марио Хезоња постигна трипл-дабл од 16 поени, 16 скока и 11 асистенции, а Хенри Еленсон натпреварот го заврши со 16 поени, но тоа не беше доволно за да се избегне поразот.

- Резултати

Голден Стејт Вориорс - Кливленд Кавалирс 120:114

Хјустон Рокетс - Њујорк Никс 120:96

Шарлот Хорнетс - Торонто Репторс 113-111

Лос Анџелес Клиперс - Лос Анџелес Лејкерс 117:122

Орландо Меџик - Атланта Хоукс 149:113

Вашингтон Визардс - Сан Антонио Спарс 112:129

Индијана Пејсерс - Бостон Селтикс 97:117

Минесота Тимберволвс - Мајами Хит 111:109

Оклахома Сити Тандер - Детроит Пистонс 123:110

Далас Маверикс - Мемфис Гризлис 112:122

Јута Џез - Сакраменто Кингс 119:98