Се разврзува шампионскиот јазол во Формула 1

АНКАРА (АА) – Последната, 21. трка на Светскиот шампионат во Формула 1 за 2016, на Гранд-прито во Абу Даби, ќе се одржи меѓу пилотите на „Мерцедес“, Нико Росберг и Луис Хамилтон, јавува Anadolu Agency (AA).

Квалификациите за пол позициите за последната трка ќе се одржат утре во 14:00 часот, во 55 тури на пистата „Јас Марина“ во Абу Даби, која е долга 5.554 метри, а трката ќе се одржи в недела на 27. ноември во истото време.

Ќе се натпреваруваат двајцата пилоти на „Мерцедес“, Германецот Нико Росберг и Британецот Луис Хамилтон, кои од 20 трки имаат освоено по 9 први места.

И покрај тоа што Росберг влезе во последните 4 трки со 33 поени предност, Хамилтон успеа да ја намали разликата на 12 поени со трите последователни победи. Росберг може да го добие својот прв шампионат на Формула 1, доколку успее да се искачи на третото место од подиумот.

Хамилтон, кој досега има освоено три шампионати, за да си ја зачува својата добра форма треба трката да ја заврши барем меѓу првите тројца, како и да го чека резултатот на тимскиот пилот.