Mehmet Tosun
06 Април 2023•Ажурирај: 08 Април 2023
АНКАРА (АА) - Шефот на Одделот за комуникации при турското Претседателство, Фахретин Алтун, објави порака по повод 103-годишнината на новинската Агенција Анадолу.
Алтун со порака на социјалните мрежи честита уште една годишнина од постоењето на Агенцијата Анадолу.
„Ја честитам 103-годишнината на Агенцијата Анадолу, која беше основана по наредба на Мустафа Кемал Ататурк за да може гласот на нашата нација да се слушне во светот за време на борбата за независност. Пренесувам поздрави до сите медиумски работници кои придонесоа за работата на нашата агенција со нивните напори“, рече Алтун.
Новинската Агенција Анадолу е основана на 6 април 1920 година, 17 дена пред отворањето на Големото национално собрание на Туркије, по инструкции на Мустафа Кемал Ататурк, за да биде гласот на Анадолу до светот за настаните од Војната за независност.
Со повеќе од 4.000 вработени од 139 различни националности, Анадолу дневно објавува во просек повеќе од 1.000 вести, повеќе од 4.000 фотографии, 15 инфографици, 357 видеа и 54 мултимедиумски содржини.
Анадолу, која е меѓу највлијателните и најугледните новински агенции во светот, на своите претплатници им ги носи најновите содржини од најтурбулентните светски подрачја и прави разлика со вестите и визуелните содржини, особено во географските области каде што е тешко да се врши новинарската работа.
Анадолу се следи со голем интерес не само во Туркије, туку и во светот, пред сè за вести, фотографии и видеосодржини што им се сервираат на претплатниците на 13 јазици, вклучувајќи турски, англиски, арапски, руски, француски, шпански, сорански, персиски, индонезиски, босански, албански, македонски и курдски.
