Село во јужна Туркије претрпе помала штета, и покрај тоа што лежи на раседната линија

КАХРАМАНМАРАШ (АА) - Селото Тевекели, кое, и покрај тоа што се наоѓа на раседната линија во јужната турска област Кахраманмараш, претрпе помали разурнувања од двата земјотреси кои го зафатија подрачјето на 6 февруари.

Снимките од дрон снимени од Анадолу ги покажуваат пукнатините кои ги сечат полињата и патчињата во селото.

Селото лежи на раседот во јужниот дел на Кахраманмараш, епицентарот на земјотресите на 6 февруари.

Руптурите околу селото сега се протегаат со километри.

Но, селаните имаа среќа бидејќи нивното село претрпе релативно помала штета, 37 од 300 куќи се урнаа, а животот го изгуби само едно лице.

Некои трикатни или двокатни куќи се урнаа или се тешко оштетени.

- Селаните сега живеат во шатори, очекуваат да се вратат на нормалниот живот -

Хаџи Палит, кој 35 години живее во Лондон, Велика Британија, потекнува од ова село, а дошол во Туркије да го посети своето семејство во центарот на Кахраманмараш два дена пред земјотресите.

Неговиот брат и сопругата на братот се пронајдени мртви под урнатините на зграда во Кахраманмараш.

Трикатната викендичка на 55-годишниот Палит во Тевекели е целосно уништена.

Тој сега чека пред својата викендичка за да ги спаси своите работи.

„Патот на селото се сруши и полето се претвори во рид по земјотресите. Сега живееме во шатор обезбеден од АФАД [Агенцијата за управување со катастрофи на Туркије].“

Селото има релативно малку жители во зима бидејќи селаните претежно претпочитаат да престојуваат таму во лето.

Куќата на Вели Чифтчи (59) е делумно оштетена и тој очекува помош од Владата за обнова на куќата.

„Селаните се жртви на катастрофите. На денот на земјотресот времето беше многу студено. Третиот ден дојде струјата. Полека ќе се вратиме во нормален живот“, рече Чифтчи.

„Стигнав во селото ден по земјотресот, не ни сонував дека ќе ми се уништи куќата, но се случи.“

Друг мештанин, 54-годишниот Дурду Којунлу, исто така бил во селото на денот на земјотресите.

„Куќите во селото беа уништени набргу по почетокот на земјотресот, врнеше дожд, а струјата беше исклучена. Раседот минува на 100 метри од мојата куќа. Неодамна имаше многу земјотреси, мислевме дека ќе остане на тоа, но не“, рече Којунлу.

Според последните официјални податоци, најмалку 42.300 луѓе загинаа во земјотресите со јачина од 7,7 и 7,6 степени кои на 6 февруари, со епицентар во јужната турска област Кахраманмараш погодија уште десет други турски области - Хатај, Газиантеп, Малатија, Адијабакир, Адана, Адана, Килис, Османије, Шанлиурфа и Елазиг.