Fuat Kabakcı
16 Февруари 2022•Ажурирај: 17 Февруари 2022
ИСТАНБУЛ
Популизмот ја поттикнува исламофобијата низ светот, особено во Европа, изјави денеска турскиот министер за надворешни работи, Мевлут Чавушоглу, јавува Агенција Анадолија (АА).
Говорејќи во Истанбул на Меѓународната конференција за кршење на човековите права врз муслиманите, Чавушоглу рече дека актуелната политичка реторика која преовладува во делови од Европа служи за легитимирање на растечката исламофобија во овие земји.
„Само отворање нови џамии и одржувањето на постоечките поставуваше значителни предизвици“, рече Чавушоглу во видеопораката до конференцијата, чии кодомаќини се турските министерства за правда и надворешни работи, како и Независната постојана комисија за човекови права на Организацијата за исламска соработка (ОИС).
„Според Западот, конкуренцијата и конфликтот се главната динамика зад општествениот развој, додека исламската цивилизација поттикнува хармонија, почит и солидарност“, изјави Чавушоглу.
Истакнувајќи дека ОИС го одбележа 15 Март како Меѓународен ден за борба против исламофобијата по терористичките напади во 2019 година, чија цел беа две џамии во градот Крајстрч, Нов Зеланд, Чавушоглу ги повика муслиманските нации да работат на слична одлука на Генералното собрание на ОН.
Тој, исто така, ја истакна меѓународната изолација на Турската Република Северен Кипар (ТРСК) и лишувањето на припадниците на турското малцинство во Грција од нивните најосновни човекови права, истакнувајќи дека муслиманските земји треба да бараат решенија за овие големи проблеми.
„Турција, исто така, ќе продолжи да ги држи предизвиците со кои се соочуваат Палестинците на светската агенда“, додаде тој.
Во посебна видеопорака, претседателот на турскиот Парламент, Мустафа Шентоп, тврди дека исламофобијата е прифатена како државна политика од некои земји, што стана една од широкораспространетите форми на расизам.
„Очигледни примери на исламофобија може да се забележат во речиси секоја сфера од секојдневниот живот, вклучително и јавните простори, медиумите, академската заедница и меѓународните организации“, рече Шентоп.
Осврнувајќи се на состојбата на турското малцинство во Грција, Шентоп рече дека неговите членови се соочиле со сериозни проблеми и систематско кршење на човековите права, повикувајќи ги членките на ОИС да одговорат на робустен начин против Атина.
