Warêla petrola brent bi 70,33 dolarî tê firotin

Li piyaseyên navneteweyî warêla petrola brent bi 70,33 dolarî tê firotin.

Warêla petrola brent duh di nav rojê da hetanî 72,04 dolarî hat firotin û di dawiya rojê da bi 70,99 dolarî hatibû firotin. Îro jî warêla petrola brent ji saet 09.07an pê va li gor duh êvarê ji sedî 0.93 kêm bû û dakete 70,33 dolarî.

Di heman demê da warêla petrola xam a Teksasa Rojava (WTI) jî bi 60,90 dolarî hat firotin.

Amerîkayê daneyên heftane yên stoqa petrola xwe eşkere kiribû, ji ber ku stoq zehf zêde bibû û hilberîn jî di asta rekorê dabû jî bihayê petrolê daket.

Li gor daneyên ku Îdareya Enformasyona Vejenê ya Amerîkayê eşkere kir, stoka petrola welêt a hefteya borî 4,7 milyon warêl zêde bû û derkete 476,8 milyon warêlî. Hêviya piyaseyê ew bû ku stoka petrolê kêmzêde 600 hezar warêl kêm bibe.