Li hin bajaran ji ber berfê xwendingeh hatin tetîlkirin

Li Mûşê ji ber berfa dibare xwendingeh ji bo îro hatin tetîlkirin.

Di daxuyaniya walîtiyê da hat gotin ku li bajêr rewşa hewayê xirab bû.

Di daxuyaniyê da ji bo mij, qiravî û cemedê welatî hatin hişyarkirin û hat diyarkirin ku li gor qanûna Îdareya Bajêr li bajêr ji bo îro xwendingeh hatin tetîlkirin.

Di daxuyaniyê da hat destnîşankirin ku xebatkarên dewletê yên astengdar û bizaro jî ew ê bi destûr werin qebûlkirin.

Hekarî

Li Hekariyê ji ber berfa dibare û rewşa hewayê xwendingeh ji bo îro hatin tetîlkirin.

Di daxuyaniya li ser medyaya civakî ya Walîtiyê da hat diyarkirin ku bi biryara walîtiyê li navenda bajêr û Yuksekovayê xwendingeh ji bo îro hatin tetîlkirin.

Di daxuyaniyê da hat destnîşankirin ku xebatkarên dewletê yên astengdar û bizaro jî ew ê bi destûr werin qebûlkirin.

Erzincan

Li 7 navçeyên Erzincanê perwerdeya bi birin û anînê û li Çayirliyê jî hemû xwendingeh ji ber berfa dibare û rewşa hewayê ji bo îro hatin tetîlkirin.

Di daxuyaniya Midûriyeta Perwerdeya Neteweyî ya Bajêr da hat diyarkirin ku li bajêr ev demek e berf dibare û rewşa hewayê jî xirab e.

Di daxuyaniyê da hat destnîşankirin ku li Çayirliyê hemû xwendingeh, li Kemah, Kemaliye, Îlîç, Refahiye, Uzumlî, Tercan û Otlukbeliyê jî xwendingehên ku xwendekar bi wesayîta diçin û tên îro hatin tetîlkirin.

Îdir

Li Îdirê ji ber berfa dibare û rewşa hewayê xwendingeh hin gundan ji bo îro hatin tetîlkirin.

Di daxuyaniya Midûriyeta Perwerdeya Neteweyî ya Bajêr da hat diyarkirin ku ji ber berfa duh tesîra xwe zêde kir û dewam dike rêya hin gundên li herêmên bilind hat girtin û wekî mayîn li rêyan jî cemed çêbû.

Di daxuyaniyê da hat gotin ku ji ber vê jî xwendingehên li gundên Ciwanliya Jêrê, Ciwanliya Jorê, Osmankoy, Saribulaq, Abbasgol û Qatirliyê ji bo îro hatin tetîlkirin.

Erzirom- Agirî

Li Dutaxa navçeya Agiriyê û Qereyazî û Xinisa navçeyên Erziromê ji ber berf û sermayê hinek dibistan hatin girtin.

Li navçeya Xinisê ji ber berfê hemû dibistan û li navçeya Qereyaziyê jî dibistanên xwendekar bi wesayîtan diçin ji ber rewşa hewayê ji bo îro hatin tetîlkirin.

Li Dutaxa navçeya Agiriyê jî ji ber berfê îro hemû dibistanên navçeyê hatin tetîlkirin.