تا ئێستا لە ئاکامی ھێرش و بۆردومانەکانی ئیسرائیلدا بۆسەر کەرتی غەززە ٢٣٨ ڕۆژنامەنووس کوژراون

غەززە ــ AA

نووسینگەی ڕاگەیاندنی حکوومەتی غەززە ڕایگەیاند، ژمارەی ئەو ڕۆژنامەنووسانەی کە لە ٧ی تشرینی یەکەمی ساڵی ٢٠٢٣وە تا ئێستا لە ئاکامی ھێرش و بۆردومانەکانی سوپای ئیسرائیل بۆ سەر کەرتی غەززە کوژراون، بەرزبووەوە بۆ ٢٣٨ ڕۆژنامەنووس.

نووسینگەی ڕاگەیاندنی حکوومەتی غەززە لە ڕاگەیەندراوێکدا ئاماژەی بەوەداوە کە خێوەتێک لە شاری غەززە، لەلایەن سوپای ئیسرائیلەوە بۆردومان کراوە.

راشیگەیاندووە کە لە ئاکامی بۆردومانەکەدا، شەش ڕۆژنامەنووس کوژراون.

باسی لەوەش کردووە، ژمارەی ئەو ڕۆژنامەنووسانەی کە لە ٧ی تشرینی یەکەمی ساڵی ٢٠٢٣وە تا ئێستا لە ئاکامی ھێرش و بۆردومانەکانی سوپای ئیسرائیل بۆ سەر کەرتی غەززە کوژراون، بەرزبووەوە بۆ ٢٣٨ ڕۆژنامەنووس.