Во Косово детектирани 321 новозаразен со Ковид-19, почина едно лице

ПРИШТИНА

Од Националниот институт за јавно здравје на Косово информираат дека во последните 24 часа едно лице починало од последиците предизвикани од Ковид-19, а кај 321 лице е детектиран коронавирусот, пренесува Агенција Анадолија (АА).

Во последните 24 часа тестирани се 2.534 примероци сомнителни на коронавирус, од кои 321 биле позитивни.

Од почетокот на епидемијата досега во Косово се тестирани 247.484 лица, од кои позитивни биле 62.009. Од последиците на заразеност со Ковид-19 починаа 1.520 лица.

Во последното деноноќие оздравеа 313 пациенти, со што вкупниот број на оздравени се зголеми на 53.768. Во моментов во оваа земја се активни 6.721 случај на зараза со Ковид-19.