Грција: Тројца загинати во експлозија на фабрика

АНКАРА (АА) - Во голема експлозија во фабрика за динамит загинаа најмалку три лица во Грција, соопштија државните медиуми, пренесува Агенција Анадолија (АА).

Експлозијата се случила изутрина во фабриката во областа Итеа во северозападниот град Гревена, соопшти грчката телевизија ЕРТ.

Најмалку три лица, меѓу кои и косопственикот на фабриката, загинаа, а едно лице е повредено.

Според гувернерот на Западна Македонија, Георгиос Касапидис, експлозијата била почувствувана во многу соседни општини, вклучително и во Кожани и Гревена.

Зборувајќи за државната новинска агенција АМНА, пожарникар на местото на настанот рекол дека објектот е претворен во урнатини.