Камбовски: Македонија е во уставна и политичка криза

СКОПЈЕ (АА) - Здружението за кривично право и криминологија на Македонија, во соработка со Центарот за стратегиски истражувања на Академијата на науките и уметностите на Македонија и амбасадата на САД во Скопје, организираше научна и професионална дебата на темата „Отворени прашања за доказите и сведочењето во кривичната постапка“ во Скопје, јавува Anadolu Agency (AA).

Дебатата беше насочена кон некои точки што се разликуваат од сериозноста и комплексноста, а меѓу нив е статусот на заштитените сведоци, посебните истражни мерки, како и односот меѓу квалификуваните информации и недозволеното сведочење.

Раководителот на Центарот за стратегиски истражувања, Владо Камбовски, истакна дека иако Македонија е опфатена од длабока политичка криза и во извештајот на Прибе се вели дека институциите во земјата не функционираат правилно, македонските институции не се толку многу нефункционални, бидејќи, како што рече, сѐ уште има луѓе кои се чувствуваат одговорни за воспоставувањето на правдата во преден план.

„За македонското општество кое е влезено во длабока уставна и политичка криза, соочувањето со вистината е единствениот начин да се избори и да тргне во помирни води на едно стабилно општество кое живее со човековите хумани вредности”, изјави Камбовски.

Шефот за политички и економски прашања во амбасадата на САД во Скопје, Дејвид Стивенсон, најави дека САД ѝ помогнаа на Македонија во обучувањето на две илјади обвинители, адвокати и полициски службеници. Тој додаде дека САД ќе продолжат да ја поддржуваат Македонија во ова, а тоа ќе придонесе за едно демократско општество.

На оваа научна дебата присуствуваа локални практичари и експерти кои претставија примери за добри практики. За препораките и заклучоците од дебатата, надлежните организации ќе изготват извештај којшто ќе ги вклучува резултатите, а тие ќе бидат објавени во посебно издание на Македонска ревија за казнено право и криминологија – Официјален речник на Здружението за право и криминологија на Македонија.