Последно збогум, во Кочани погребани загинатите во трагичниот пожар

КОЧАНИ (АА) – Триесет од 59-те лица кои ги загубија животите во пожарот што избувна во ноќен клуб во Кочани се погребани денес во градот во источна Северна Македонија, јавува Анадолу.

На погребната церемонија што се одржа на градските гробишта во Кочани блиските кои ги загубија своите најмили во пожарот се простија од нив.

И голем број граѓани со солзи во очите запалија свеќи и положија цвеќе.

Од останатите 29 лица кои ги загубија животите во пожарот, пет се погребани во Штип, додека погребните церемонии за останатите жртви ќе се извршат во различни градови низ земјата.

Во раните утрински часови на 16 март, страшен пожар избувна во дискотека во Кочани, во којшто загинаа 59 лица, а над 170 се повредени.

Ноќниот клуб, во кој избувна пожарот, е утврдено дека работел без валидна лиценца.

Според надлежните, истрагата за пожарот е проширена и досега се опфатени вкупно 26 лица.

Во Северна Македонија е прогласена седумдневна жалост.