Србија: Министерот за одбрана Вулин позитивен на Ковид-19

БЕЛГРАД

Министерот за одбрана на Србија, Алелксандар Вулин, е позитивен на коронавирус (Ковид-19), јавува Агенција Анадолија (АА).

Како што се наведува во соопштението на Министерството за одбрана, Вулин се чувствува добро и со оглед дека нема никакви симптоми на инфекцијата се наоѓа во самоизолација.

„Министерот Вулин продолжува со редовно извршување на должноста министер за одбрана, придржувајќи се до сите пропишани мерки во текот на самоизолацијата“, се наведува во соопштението.

Вулин е тестиран како контакт на државниот секретар на Министерството за одбрана, кој е позитивен на Ковид-19.