Масовна венчавка на повеќе од 1.000 парови во Бангкок за Денот на вљубените

БАНГКОК (АА) - Повеќе од 1.000 парови се собраа во Бангкок за масовна венчавка по повод Денот на вљубените, во познатата област Банг Рак, наречена Област на љубовта, јавува Анадолу.

Овој традиционален настан, кој се одржува секоја година на 14 февруари, привлекува парови од цел Тајланд што сакаат да го кажат судбоносното „да“ на најромантичниот ден во годината.

Банг Рак, чие име во превод значи Област на љубовта, одамна е омилена дестинација за венчавки.

Секој пар што учествуваше во церемонијата доби сертификати и подароци, а тоа придонесе за дополнителна магичност на нивниот посебен ден.

Прославата заврши со традиционални тајландски изведби и заедничка фотографија.

Масовната венчавка во Банг Рак на Денот на вљубените станува сè попопуларна секоја година, зацврстувајќи го статусот на оваа област како врвна дестинација за паровите што сакаат да го започнат заедничкиот живот на овој ден.