Една од најголемите цветни градини во светот „Којкенхоф“ отворена 76. пат

СКОПЈЕ (АА) - Една од најголемите цветни градини во светот, „Којкенхоф“, позната и како „Градината на Европа“, ги отвори вратите за посетителите 76. пат, јавува Анадолу.

И годинава овој спектакуларен парк, кој се наоѓа во холандскиот град Лисе, привлекува љубители на природата и фотографи од целиот свет.

За новата сезона четириесет градинари засадија дури седум милиони цвеќиња, а најголем број се лалиња, повеќе од 1.600 различни сорти.

„Којкенхоф“ не е само место за уживање во шаренилото на цвеќињата туку нуди и релаксирачка прошетка по пешачка патека долга 15 километри што минува низ уредени градини.