ТЕХНОФЕСТ Истанбул ги отвори своите врати

ИСТАНБУЛ (АА) - Организиран под водство на Министерството за индустрија и технологија и Фондацијата на Турскиот технолошки тим, ТЕХНОФЕСТ Истанбул ги отвори своите врати, известува Анадолу.

Фестивалот, чиј глобален комуникациски партнер е Агенција Анадолу, на аеродромот „Ататурк“ во Истанбул ќе понуди широк спектар на настани, од натпревари до воздушни претстави.

ТЕХНОФЕСТ Истанбул се издвојува со своите натпреварувачки категории што го поддржуваат технолошкиот развој во критичните области. Тимовите што ќе ја поминат фазата на претселекција на натпреварите, кои ќе се одржат во 58 главни и 137 поткатегории, ќе добијат дел од финансиската поддршка чија вкупна вредност изнесува над 85 милиони лири (1.650.000 евра). Највисоко рангираните тимови ќе добијат награди во вкупна вредност од над 65 милиони лири (1.330.000 евра).

Повеќе од 565.000 тимови и 1.100.000 натпреварувачи што сакаат да ги остварат своите соништа се пријавија за технолошките натпревари што се одржуваат како дел од ТЕХНОФЕСТ Истанбул.

- Одржување на голем број настани, од воздухопловни претстави до концерти

ТЕХНОФЕСТ, кој досега пречека речиси 11 милиони посетители, во Истанбул ќе биде домаќин на активности за сите возрасти, од мали деца до тинејџери, семејства до ентузијасти за технологија во текот на следните пет дена.

Фестивалот ќе вклучува воздушни претстави, концерти, сценски изведби, едукативни работилници, симулациски области за искуство, планетариум, научни претстави, Временскиот тунел ТЕХНОФЕСТ, изложба на националните поморски, копнени и воздушни возила и специјално искуство со прв лет за студенти.

Познатиот турски пејач Кирач ќе има свој настап за љубителите на музиката на фестивалската сцена во 19:00 часот по локално време на 19 септември.

- СОЛОТУРК и Турските ѕвезди на небото над Истанбул

На ТЕХНОФЕСТ Истанбул ќе има воздухопловни претстави со летала на Турција, производ на воздухопловната и одбранбената индустрија. Покрај СОЛОТУРК и Турските ѕвезди, со борбени авиони F-16 ќе изведат претстава на небото над Истанбул.

На фестивалот ќе бидат претставени и хеликоптерите АТАК, ХУРКУШ, АНКА, Бајрактар ТБ2, Бајрактар ТБ3 и Бајрактар АКИНЏИ.

Влезот на ТЕХНОФЕСТ Истанбул е бесплатен, а посетителите мора да се регистрираат онлајн. Времето за влез и излез за посетителите во просторот на настанот ќе биде помеѓу 9:00 и 19:00 часот.

Користењето на јавниот превоз ќе им овозможи на посетителите брз и лесен пристап до просторот на фестивалот.