По изборната победа на Моди, Кина повика на стабилни односи со Индија

ИСТАНБУЛ (АА) - Кина денес повика на „стабилни“ односи со Индија откако премиерот Нарендра Моди го освои третиот мандат со победата на општите избори, пренесува Анадолу.

„Силните и стабилни односи меѓу Кина и Индија одат во прилог на заедничките интереси на двете страни и придонесуваат за мирот и развојот на регионот и на светот во целина“, изјави портпаролката на кинеското Министерство за надворешни работи, Мао Нинг, за новинарите во Пекинг.

Моди синоќа освои победа со владејачката Национална демократска алијанса (НДА) на општите избори во седум фази.

Според официјалните резултати, владејачката партија Бхаратија Џаната (BJP) освои 240 места во 543-члениот Долен дом на Парламентот, додека главниот опозициски Индиски национален конгрес освои 99 места.

Бхаратија Џаната, сепак, остана без своето мнозинство од 272 места.

Вчерашните резултати, сепак, покажаа дека алијансата НДА освоила над 272 места, колку што се потребни за формирање Влада, а опозициската алијанса обезбеди над 230 места.

Честитајќи му на Моди за победата Мао порача:

„Кина е подготвена да работи со Индија за да продолжи од фундаменталните интереси на двете земји и двата народа, имајќи ја предвид севкупната ситуација и иднината и да го управува развојот на билатералните односи на здрава и стабилна патека“.

Индија и Кина имаат противтужби во државата Аруначал Прадеш од јужноазиската држава, а двајцата соседи на Хималаите се во гранична препирка во областа Ладах за спорните Џаму и Кашмир.