Репортер на Анадолу меѓу тројцата повредени во експлозија на мина во Сирија

ЛАТАКИЈА (АА) - Три лица, меѓу кои и фриленс-репортер на Агенција Анадолу, се повредени во експлозија за време на операција за расчистување на мини на сириската армија во руралната покраина Латакија, јавува Анадолу.

Експлозијата се случила додека сириските сили спроведувале операции за деминирање во руралната област.

Меѓу повредените се фриленс-репортерот на Анадолу, Шевкет Акча, дописникот на сириската државна новинска агенција САНА, Хасан Хашим и еден војник.

Акча се здобил со повреди на главата откако бил погоден од шрапнели и други остатоци. Тој и другите повредени се однесени во блиската болница на лекување.

Новинарите не се во животозагрозувачка состојба, а војникот е сериозно повреден и ја изгуби ногата.