Американски авион се урна во Јапонија, непозната судбината на 8 лица

ТОКИО (АА) - Американски воен авион со 8 патници се урна денес во Јапонија, пренесува Анадолу.

Јапонската крајбрежна стража соопшти дека авионот од типот „Оспреј“ се урнал на брегот на островот Јакушима, во југозападниот дел на Јапонија, пренесе „Кјодо њуз“ со седиште во Токио.

Според соопштението на Крајбрежната стража, несреќата се случила околу 14:45 часот по локално време.

Медиумите објавија дека остатоците од авионот се најверојатно пронајдени во близина на местото на несреќата, но сѐ уште нема информации за судбината на патниците.