Аргентина: Протести на кои се тврди дека Марадона е убиен

БУЕНОС АИРЕС

Во Аргентина се одржаа протести за расветлување на случајот со смртта на легендарниот фудбалер Диего Армандо Марадона, кој почина на 25 ноември 2020 година, јавува Агенција Анадолија (АА).

Стотици луѓе се собраа во пред Обелискот, во центарот на главниот град Буенос Аирес, тврдејќи дека Марадона е убиен.

Демонстрантите бараа да се реши случајот и да бидат казнети оние што ја предизвикаа смртта на легендарниот фудбалер.

На протестите присуствуваа помладиот син на Марадона, Диегвито Фернандо Марадона, ќерките на Марадона, Далма и Џанина Марадона, и поранешната сопруга на Марадона, Клаудија Виљафане. Поради големиот интерес за нив, ќерките и поранешната сопруга на Марадона од протестите си заминаа порано.

Марадона, еден од најдобрите играчи во историјата на фудбалот, почина на 25 ноември во градот Тигре, Аргентина, поради „акутен белодробен едем поврзан со хронична срцева инсуфицинеција“.

Како дел од истрагата отворена по неговата смрт, седум лица, вклучително и неврохирургот на Марадона, Леополдо Луке и психијатарот Агустина Косачов, беа обвинети за предизвикување смрт на легендарниот фудбалер.

Како сведоци се сослушани и членовите на семејството на Марадона. Истрагата продолжува.