Армиското радио: Израел досега можеше да уништи неколку километри тунели во Појасот Газа

КУДС/ЕРУСАЛИМ (АА) - Израел досега со морска вода можеше да уништи неколку километри тунели во Појасот Газа, наводно изградени од палестинската група Хамас, соопшти денес радиото на израелската армија, пренесува Анадолу.

„Во северниот дел на Појасот Газа, системот (Атлантис) беше делумно успешен, особено во тунелите блиску до морето“, соопшти армиското радио.

„Тешко беше за армијата да пушта вода под висок притисок низ цевките бидејќи овие тунели се далеку од морето“, додаде радиото.

Радиото јави дека „во централниот дел на Појасот Газа имаше ограничен обид за активирање на системот, но тој целосно не успеа“.

„Во Кан Јунис армијата воопшто не се обиде да го активира системот бидејќи дејствуваше во источните области“, јави радиото.

Армијата вчера соопшти дека развила неколку уреди за пумпање вода со голема брзина во тунелите, како дел од различните средства достапни за нивно уништување.

Израел започна напади врз Појасот Газа по прекуграничниот напад на палестинската група Хамас на 7 октомври, во кои досега загинаа најмалку 26.751 Палестинци, главно жени и деца, а 65.636 се повредени, според локалните здравствени власти.

Се смета дека околу 1.200 Израелци се загинати во нападот на Хамас на 7 октомври.