Голем пожар избувна во станбена зграда во Њујорк

ИСТАНБУЛ (АА) - Пожарникарите од Њујорк се борат со пожарот што избувна синоќа во станбена зграда во Харлем, јавува Анадолу.

Според Њујоршката противпожарна служба, првите екипи биле на местото на големиот пожар што избувна пред 21 часот по локално време во петкатна зграда, која наводно е напуштена, лоцирана на 139. улица помеѓу Авенијата Ленокс и Булеварот Пауел.

Речиси 40 единици и 170 лица од противпожарната и итната медицинска помош се на терен, а засега нема извештаи за повредени.